انت مالك - للشاعر زين العابدين خضر

قلبى لسه فى انتظارك
نفسه يعرف انت مالك
ليه دايما بتحب تبعد
وبتسوق دايما فى دلالك
------------------------
قلبى دا قلقان عليك
وروحى بتشتاق اليك
وحشانى نظرة عنيك
وحشانى لمست ايديك
------------------------
نفسى مره تحس بيه
او حتى تسأل عليه
دا انت بالنسبه لروحى
اغلى من الدنيا ديه
------------------------
انت بحر من الحنان
انت دنيا من الامان
انت فرحة للحياه
يااغلى واجمل انسان
------------------------
مهما تكون بردك بحبك
ويشهد عليه ربك
انا من غيرك نص دنيا
والنص التانى هو قلبك

الناشر Unknown on 7:36 ص. تابع قسم الشعر الشعبي والغنائي . الموضوع يعبّر عن رأي كاتبه لمراسلتنا، اضغط هنا.