رقصة مع الأيام - بقلم أشرف صالح

اسمع مني هـا أقولك

أحلى أحلى كلام

نُرقص سوا ونغني

نُرقص مع الأيام

طوح همك طوح

أرمي أي آلام

ده عُمرنا لحظة

هــ نعيشها ليه في ملام

نسمة هوا ما تروح

إلا وليها كلام

توشوش العصفور

وجناحُه ليها سلام

أطوي جرحك أطوي

هـ تفرح الأيام

واللي منك يفرح

ويصاحب الابتسام

اسمع مني ها أقولك

أحلى أحلى كلام

نُرقص سوا ونغني

نُرقص مع الأيام

إن مال علينا الهم

جايب معاه أحزان

يلقى قلوبنا يم

يغرق معاها قوام

يا مركبة فـ البحر

أرمي علينا سلام

هاتي الشبك مـ البحر

يصطاد لأي آلام

نُخرج سوا للشط

ونودع الأحزان

نغزل شباك شمسنا من قسوة الأيام

ونلاقي في يوم حلمنا

أتشبك بنفس الشبك يقتل لأي آلام !!!!!

الناشر Unknown on 2:00 ص. تابع قسم الشعر الشعبي والغنائي . الموضوع يعبّر عن رأي كاتبه لمراسلتنا، اضغط هنا.