(دقيقه واحده سكوت لله) - للشاعر زين العابدين خضر

==============
لو تعرفوا قد ايه
شمس النهارالعافية
غضبانه من أيامنا دية
وقمر اليل فى العلالى
ضيه مش زى ضي
ليالى زمان الهنية
----------------------------
كنتوا تخافوا شويه عليها
كنتوا تميلوا تبوسوا ايدها
مصر اللى بقت مش هيه
أمانه عليكوا ياخلق الله
يا مؤمنين بالله فى سماه
دقيقه واحده سكوت لله
دى مصر النهارده ياخوانا
دمعتها مش دامعه عاديه
----------------------------
ليه كلامكوا زاد وغطى
واللسان مالوش محطه
وكل يوم نغلط فى غلطه
بنخون ليه يوماتى فى بعض
وكأننا شلة حراميه
لو تعرفوا قد ايه
شمس النهار العافيه
غضبانه من أيامنا ديه
================
(زين العابدين خضر)

الناشر Unknown on 7:20 ص. تابع قسم الشعر الشعبي والغنائي . الموضوع يعبّر عن رأي كاتبه لمراسلتنا، اضغط هنا.